திரை விமர்சனம் - Free Willy: Escape From Pirates Cove

நேற்று இரவு என் மனசு சரியில்லாமல்... எதாவது ஒரு வழியில் ரிலாக்ஸ் கிடைக்காதா என்ற மனநிலையில்... நேற்று வெளியான ஹாலிவுட் படம் "Free Willy: Escape From Pirates Cove" படத்தை பார்க்க ஆரமித்தேன். படம் முடிந்த போது மனசு மிகவும் அமைதியாக இருப்பதை உணர்ந்தேன்.


படத்தோட கதை என்னனா ...

படத்தின் கதை ஆஸ்திரேலியாவில் தொடங்குகிறது. விடோவேத் ஜூ ஒரு கால்நடை மருத்துவர். அவரது 11 வயது மகள் கிர்ரா (Bindi Irwin). விலங்குகள் மீது மிகுந்த பாசம் உடையவள்.

ஒரு நாள், தன் தந்தை விபத்தில் சிக்க, மருத்துவர்கள் ஆறு வாரம் ஓய்வு எடுக்கும்படி சொல்கிறார்கள். அவருக்கு தன் மகளை எப்படி ஆறு வாரம் கவனித்துகொள்ளவது என்ற நிலையில் தென் ஆப்பிரிக்காவில் வசிக்கும் தன் தந்தை (Beau Bridges) கஸ்-யின் நினைவு வர, இவளை அங்கு கிர்ராவை அனுப்புகிறார். தன் தந்தையை பார்த்துக்கொள்ள முடியாமல் போனதை நினைத்து வருந்துகிறாள் கிர்ரா. அரை மனதுடன் இவளும் அங்கு செல்கிறாள்.

தாத்தா வந்து விமான நிலையத்தில் அழைத்துக்கொண்டு போக வரவில்லை என்ற வருத்தம் + நீண்ட வருடமாக இவளை வந்து பார்க்காத கோபம் இரண்டும் கலந்த நிலையில் தன் தாத்தா வீடு செல்கிறாள். அது... கடற்கரை ஓரம் அமைந்த குடியிருப்புகள். ஜன்னலை திறந்து பார்த்தால் கடல் தெரியும் வகையில் அமைந்த இடம்.

தன் தாத்தாவிடம் சரியாக பேசாமல் இருக்கிறாள் கிர்ரா. கஸ்-இன் உதவியாளர் ஒருவரின் மகனுடன் அந்த கடற்க்கரை அருகில் இருக்கும் வனவியல் பூங்கா சென்று வருகிறாள்.

அங்கே, பொழுதுபோக்கு நிறைத்த தீம் பார்க் ஒன்றையும் கஸ் நடத்தி வருகிறார். இவரது தீம் பார்க்குக்கு போட்டியாக ரோல்ப்-ன் தீம் பார்க் செயல்படுகிறது. கஸ் எவ்வளவோ முயசித்தும் தீம் பார்க்கை மேம்படுத்த முடியவில்லை.

ஒருநாள் பயங்கர மழை வந்து கஸ்-இன் தீம் பார்க்கை தும்சம் செய்துவிடுகிறது. மிகவும் சோர்ந்துபோகி விடுகிறார். அப்போது அவரது தீம் பார்க் ஏரியாவில் இருக்கும் நீர் நிலையில் ஒரு குட்டி டால்ப்பின் இருப்பதை கிர்ரா பார்த்துவிடுகிறாள். அதனை தன் தாத்தாவிடம் + நண்பனிடம் சொல்லி சந்தோசப்படுகிறாள். அதனிடம் மெல்ல மெல்ல பாசம் வைக்கிறாள்.

பார்வையாளர்கள் நிறையப்பேர் வர வர... அதனைக்கொண்டு அந்த தீம் பார்க்கை வில்லி(Willy) என்று பெயர் மாற்றி மேம்படுத்திகிறார் கஸ். இதனை காணும் ரோல்ப் அந்த டால்பின்னை விலைக்கு கேட்கிறார். கஸ் ஒருவழியாச சம்மதித்து பணத்தையும் பெற்றுவிடுகிறார். இதனை அறிந்த கிர்ரா + தன் நம்பனுடன் சேர்ந்து டால்பினை அதன் கூட்டத்துடன் சேர்த்துவிட முடிவு செய்கிறார். ரோல்ப் கோபமடைய... தாத்தாவும் செய்வது அறியாமல் திகைக்க... கிர்ரா டால்பின்னை எப்படி காப்பாற்றுகிறாள் எப்பது தான் மீதி கதை.


படத்துல என்னை கவர்த்தவைகள் பல...

• படம் மெல்ல மெல்ல கதைக்குள் நம்பி எழுத்துசெல்வது படத்தின் சிறப்பு. படம் முடியும் போது நாமும் ஒரு கிர்ராவாக மாறியிருப்பது அழகு. இதிலேயே டைரக்டர் வெற்றியும் பெறுகிறார். குழந்தைகள் முதல் பெரியவர் வரை ரசிக்கும்படி இருப்பது இப்படத்தின் வெற்றியை மேலும் உறுதிசெய்யும்.
  
  
• ஒளிபதிவும் குறிப்பிடப்படவேண்டிய ஓன்று. மிக தெளிவு. சபாஸ்!
  
  
• கிர்ராவாக Bindi Irwin ( மறைந்த முதலை மனிதர் ஸ்டீவ் இர்வின்-இன் மகள் ). என்னமா நடித்திருக்கு. முதல் படம் என்பது போலவே இருக்காது. அதுவும் டால்பினுடன் பழகும் காட்சிகள் + பயம் அறியாமல் டால்பின் முதுகில் சவரிசெய்வது மிக அழகு + தாத்தாவுடன் கோபப்படும் காட்சிகள் + நண்பனுடன் ஆடிபாடி திரியும் காட்சிகள் என சொல்லிக்கொண்டே போகலாம்.
  
  
• தாத்தாவாக Beau Bridges. மனுசர் முகத்தில் அத்தனை நடிப்பை வெளிபடுத்துகிறார். சரியான பாத்திர தேர்வு. தன் மகளை பற்றி பேத்தியிடம் சொல்லும் போதும் + உணவு தயாரித்துவிட்டு பேத்தியை எழுப்பும் போதும் மனிதர் மனதில் நிற்கிறார்.
  
  
• கோடை விடுமுறையை குடுப்பத்துடன் சென்று பார்க்கும்படி இருக்கிறது.
  

Free Willy: Escape From Pirates Cove - குடுப்பத்துடன் பார்க்க வேண்டிய படம்

என்ன பிடிச்சிருக்கா ...? அப்ப உங்க வோட்டை உடனே குத்துங்க... நன்றி. மீண்டும் வருக!!!