தீராத விளையாட்டு பிள்ளை - விமர்சனம்

தோரணைக்கு பிறகு விசாலின் புதிய படம் தீராத விளையாட்டு பிள்ளை. இவரது அண்ணன் தான் தயாரிப்பாளர். சன் பிச்சர் இந்த படத்தை வாங்கியதால் ஒரே விளம்பரம் தான். இதுவே இந்த படத்தின் மீதான நம்பிக்கையை தகர்கிறது.


படத்தோட கதை என்னனா ...

வங்கியில் வேலை செய்யும் பெற்றோர்களின் செல்ல மகன் விஷால். ஒரு பக்கம் அவரை திட்டிக் கொண்டே இருக்கும் அம்மா சந்தியா, இன்னொரு பக்கம் அதை சரிகட்டிக் கொண்டேயிருக்கும் அப்பா மௌலி.

'ப்ளே-பாய்'யான விஷாலுக்கு சின்ன வயசில் இருந்து எதுவாக இருந்தாலும் மூன்றை தேர்வுசெய்து அதில் இருந்து பெஸ்ட் ஒன்றை முடிவுசெய்யும் இவர் தன் கல்யாணத்துக்கு மூணு பெண்ணை (நீது சந்திரா, சாரா ஜேன், தனுஸ்ரீ தத்தா) செலக்ட் பண்றாரு. அவர்களில் யாரை கைப்பிடிக்கிறார் என்பது தான் கதை.


படத்துல என்னை கவர்த்தவைகள் பல...

முதல் பாதியில் ஹீரோ, ஹீரோவின் நண்பர்கள் சந்தானம், மயில்சாமி, சத்யா மற்றும் முன்று கதாநாயகிகள் அறிமுகம் + காதலில் விழவைப்பது என்று நீள்கிறது. எப்படா இன்டர்வெல் வரும் என்று எதிர்ப்பார்த்தேன்.

முதல் பாதி ஹீரோ - சந்தானம். 'கவுன்டர்' கொடுத்தே தியேடரில் அலப்பறை செய்கிறார். துவும் கல்யாண மண்டபத்தில் அடிக்கும் லூட்டி செம... அவரே இல்லை என்றால்... முதல் பாதி ?

ரெண்டாவது பாதியில் தேவயில்லாமல் வரும் பாட்டுகள் வெறுப்பையே தருகிறது. காட்சிகள் + திருப்பங்கள் என் நகர்கிறது. கொஞ்சம் நமளாலும் உட்கார முடிகிறது.


பணக்காரப் பெண் நீத்து சந்திரா. பாவம் ரொம்ப குட்டி டிரஸ்-இல் தான் வராங்க. வயசு பசங்களுக்குள் ஒரே வித 'வைபரேசன்' வரத்தான் செய்கிறார். இரண்டாம் பாதியில், வில்லியாக மாறி நன்றாக நடித்து இருக்கிறார்.

ஆண்களை வெறுக்கும் பெண் + பிரகாஸ்ராஜின் தங்கை தனுஸ்ரீ தத்தா. முதல் பாதியில், இவரது அறிமுகம்... யப்பா... என்னமா ஓடி ... கண்ண கட்டுது.

வீட்டில் கல்யாண நெருக்கடியைச் சமாளிக்க வேண்டிய நிலையில் இருக்கும் பெண் + விஷாலை நிஜமாகக் காதலிக்கும் பாத்திரத்தில் சாரா. நடிக்க பெருசா ஒன்னும் இல்லை.
சாராவின் முகத்தில் எப்போதும் ஒரே சோகம். ஏன்னு தெரியவில்லை.

முன்று கதாநாயகிகளும் தாங்கள் வாங்கிய காசுக்கு ஏற்ப உடலை காட்டி நடித்து இருகிறார்கள்.
கேமிராவின் உழைப்பு அருமை. சபாஸ் அரவிந்த்.

பிரகாஷ்ராஜ் கொஞ்ச நேரமே வந்தாலும் நிறைவாக செய்து இருக்கிறார். இவர் தோன்றியவுடன் மனதிற்கு சற்றே ஆறுதல்கிடைக்கிறது.

யுவன் இசை இரண்டாம் பாதியில் அதிகம் தேவைபடுகிறது. அவரின் 'சோலோ' பாடல் இடம் + விசாலின் நடிப்பும் அழகு. மூன்று பெண்களிடம் 'கொக்கி' போட்டுவிட்டு திரும்பி வரும் விசாலுக்கு பழைய ரஜினி பட 'தீம்' மியூசிக். Superb!.

விஜய் போன்றே விஷாலும் நடிகரேன்னு நினைத்து கொல்லாமல் கொள்கிறார். சில இடங்களில் ஒரே எரிச்சலை ஏற்படுத்துகிறார். இனி விசாலை வைத்து படு சீரியஸ்சா படம் செய்தாலே அது பெரியா காமெடி படமா வரும் போல இருக்கு..

தீராத விளையாட்டு பிள்ளை - இவன் குறும்பை ரசிக்க ஒருமுறை பார்க்கலாம்

இந்த பதிவு உங்களுக்கு பிடித்திருந்தால் ஒரு நிமிஷம் எனக்காக செலவு செய்து வோட்டு போடுங்க. உங்க நல்ல கருத்தையும் எழுதுங்க. நன்றி. மீண்டும் வருக!!!

தீராத விளையாட்டு பிள்ளை

'கத்தால கண்ணால குத்தாதே ...' பாடல் புகழ் 'திரு திரு' விழிகளுக்கு சொந்தகாரர் நம்ப பாண்டியராஜன் நடித்த "ஜாடிக்கேத்த மூடி" என்ற படத்தில் குழந்தை நட்சத்திரமாக அறிமுகம் ஆனார் வி.கி.ரெட்டி. பிறகு, வளர்ந்து வாலிபத்தை தொட்டவர் visual communication என்ற படிப்பை படித்து, டைரக்டர் ஆக வேண்டும் என்ற கனவுடன் உதவி இயக்குனராக சேர்ந்தார்.

இவரின் செயலை பார்த்த டைரக்டர் இவரை திரைக்கு பின்னல் இருப்பதை விட திரைக்கு உன்னால் வந்தால் நன்றாக இருக்கும் என்று முடிவு செய்தவர் தனது புதிய படத்துக்கு ஹீரோவாக அறிமுகபடுத்த... ஒரு புது முகம் என்ற உணர்வே தோன்றாத மாதிரி இவரது நடிப்பு இருக்கும். ரீமாசென், பரத் + நல்ல திரைக்கதையும் சேர்ந்த அந்த படம் சூப்பர் ஹிட். அது தான் "செல்லமே". அந்த குழந்தை தான் நம்ப கருப்பு தங்கம் விஷால்.


படம் ஓடியதை பார்த்த தயாரிப்பாளர்கள் இவரையே மீண்டும் ஒரு படம் செய்ய தூண்ட, இவரது 2-வது "சண்டைகோழி" படம் வெளிவந்தது. வேறு ஒரு மாஸ் ஹீரோவுக்கு எழுதிய இந்த படத்தின் கதையில் இவர் மிக சிறப்பாகவே செய்திருப்பார். அதுவும் நண்பா சேச்சி "மீராஜாஸ்மின்" நடிப்பில் பின்னி பெடலேடுத்திருப்பார். இந்த படமும் சூப்பர் ஹிட்.

அதன் பிறகு, இவரது டைரக்டர் கனவு மெல்ல வலுஇழந்து மீண்டும் ஒரு கமர்சியல் ஹீரோவாக வலம் வர, இவரது 3-வது படம் "திமிரு" கைகொடுத்தது. ஒரு சிறப்பான திரைகதையில் அலட்டிக்காமல் நடித்து நம்மை நெகிழ செய்திருப்பார். இந்த படமும் சூப்பர் ஹிட். தொடர்ந்து மூன்று வெற்றி படங்களை தந்தவர் என்ற பெருமையுடன் வலம்வந்தார் விஷால்.

திமிரு பட தலைப்புக்கு ஏற்ப இவர்க்கு சற்றே மாஸ் ஹீரோ ஆக வேண்டும் என்ற எண்ணம் உதிக்க இவரது அடுத்த 4-வது படமான "சிவப்பதிகாரம்"-தில் ஓவரா பேசி நடித்து முதல் பிளாப் படம் ஒன்றை தந்தார். படத்தின் பாடல்களை வீணடித்தார்கள் என்றே சொல்லவேண்டும்.


இவரது அடுத்த 5-வது படத்தை பிரபல டைரக்டர் ஹரி இயக்கத்தில் "தாமிரபரணி" வெளிவந்தது. நீண்ட நாளைக்கு பிறகு "நதியா" நடித்தார். உறவுகளை மையபடுத்தி வெளிவந்த இந்த படம் ஹிட். இதில் சற்றே அடக்கியே வாசித்திருப்பார்.

அடுத்த 6-வது படமாக வெளிவந்தது "மலைகோட்டை". பிரியாமணியுடன் ஜோடிசேர்ந்த இவருக்கு இந்த படம் எதிர்பார்த்த அளவு பெரிய வெற்றியை தரவில்லை. ஊர்வசி + ஆசிஸ் வித்யாதியின் காமெடி பேசப்பட்ட ஓன்று.

மீண்டும் ஒரு மாஸ் ஹீரோ எண்ணம் தோன்ற ஒரு போலீஸ் அதிகாரியாக 6 பேக் உடலமைப்புடன் வெளிவந்த இவரது 7-வது படம் "சத்யம்". நயன்தாரவுடன் ஜோடி சேர்ந்தவர் மீண்டும் ஒரு பிளாப் தந்தார்.

அதன் பிறகு, மீண்டும் தன்னை ஒரு வெற்றி நாயகனாக வெளிகாட்டவேண்டி அடுத்த படம் செய்ய சிறிது காலம் எடுத்துகொண்டார். அப்போது அவர் கையில் எடுத்த 8-வது படம் "தோரணை". சிரேயாவுடன் நடித்தார். சராசரியாக ஓடினாலும் படம் பிளாப் லிஸ்டில் சேர்ந்தது. காமெடி செய்வதா நினைத்து இவர்கள் இருவரும் ரசிகர்களை பதம் பார்த்திருப்பார்கள்.


இன்று வெளிவந்த 9-வது படம் "தீராத விளையாட்டு பிள்ளை". இதுவரை ஒரு கதாநாயகியுடன் மட்டுமே நடத்தவர் இந்த படத்தில் மூன்று நாயகிகள். நடிகர் ஜீவனை போல இவருக்கும் எங்கோ "அந்த மச்சம்" இருக்கு.

இதை படத்தை பற்றி நான் நாளை சொல்கிறேன். 9-இல் 6 படம் சூப்பர் ஹிட். அந்த வரிசையில் இந்த படமும் அமைய என வாழ்த்துக்கள்.

இந்த பதிவு உங்களுக்கு பிடித்திருந்தால் ஒரு நிமிஷம் எனக்காக செலவு செய்து வோட்டு போடுங்க. உங்க நல்ல கருத்தையும் எழுதுங்க. நன்றி. மீண்டும் வருக!!!